જામનગર : પાંચ હાટડી વિસ્તારમાં હુમલા પ્રકરણમાં ૭ આરોપીઓની ધરપકડ

February 24, 2026 01:16 PM

જામનગરના પાંચ હાટડી વિસ્તારમાં નાસ્તો કરવા ગયેલા હર્ષદમીલની ચાલી ખાતે રહેતા યુવાન પર હુમલો કરવામાં આવ્યો હતો જે પ્રકરણમાં ફરીયાદ અનુસંધાને પોલીસે સાત આરોપીની ધરપકડ કરી છે.

જામનગરના કાલાવડ નાકા બહાર પાંચ હાટડી વિસ્તારમાં ઓસમાણભાઈ ખફી નામના ૩૭ વર્ષના સુમરા યુવાન પર ત્રણ દિવસ પહેલાં રાત્રિના સમયે હુમલો કરાયો હતો, અને અજાણ્યા ૭ થી ૮ જેટલા શખ્સો ધોકા પાઇપ જેવા હથિયારો સાથે ધસી આવ્યા હતા, અને સુમરા યુવાનને ઘાયલ કરી દીધો હતો. જેથી ઈજાગ્રસ્તને સારવાર માટે જામનગરની સરકારી જી.જી હોસ્પિટલમાં ખસેડવામાં આવ્યો હતો.

જ્યાં સિટી એ. ડિવિઝનના એન.એ ચાવડા અને તેઓની ટીમેં બનાવવાના સ્થળે અને ત્યારબાદ જી.જી. હોસ્પિટલમાં દોડી જઈ ઈજાગ્રસ્ત યુવાન ઓસમાણભાઈ ખફીની ફરિયાદના આધારે ૮ આરોપીઓ સામે ગુનો નોંધ્યો હતો.

જે હુમલા પ્રકરણમાં સીટી એ. ડિવિઝન પોલીસ દ્વારા રેહાન ઇકબાલભાઇ બેલીમ, સદામ ઉર્ફે ઈન્ડો અસગર શેખ, શાકિર રફીકભાઇ ખીલજી, રઉફ ગુલામભાઇ બેલીમ, મહમદ અખ્તર પંજા, અસલમ ઉર્ફે અસલો કાદરભાઇ શેખ અને સદામ હનીફભાઇ પંજાની અટકાયત કરી લેવામાં આવી છે. જે તમામની વધુ પૂછપરછ ચલાવાઇ રહી છે. હજુ એક આરોપી શાહનવાઝ મોહમદ હનીફ ખીલજીને ફરારી જાહેર કરાયો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

જામનગર : પાંચ હાટડી વિસ્તારમાં હુમલા પ્રકરણમાં ૭ આરોપીઓની ધરપકડ

Recent News

Gujarat's No. 1 evening newspaper