IPL 2026 28 માર્ચથી શરૂ થશે. અમદાવાદના નરેન્દ્ર મોદી સ્ટેડિયમમાં ભારત-ન્યૂઝીલેન્ડ T20 વર્લ્ડ કપ ફાઇનલ પહેલા રવિવારે બ્રોડકાસ્ટર સ્ટાર સ્પોર્ટ્સ દ્વારા આ જાહેરાત કરવામાં આવી હતી.

આ ટુર્નામેન્ટ મૂળ 26 માર્ચથી શરૂ થવાની હતી, પરંતુ તમિલનાડુ, કેરળ, આસામ, પશ્ચિમ બંગાળ અને પુડુચેરીમાં ચૂંટણીઓને કારણે સમયપત્રકમાં ફેરફાર કરવામાં આવ્યો હતો. જોકે, IPL એ હજુ સુધી સંપૂર્ણ સમયપત્રક જાહેર કર્યું નથી.

વિધાનસભા ચૂંટણીઓવાળા રાજ્યોમાં ત્રણ મુખ્ય સ્ટેડિયમનો ઉપયોગ IPL સ્થળો તરીકે કરવામાં આવ્યો છે. તમિલનાડુના ચેન્નાઈમાં આવેલું એમએ ચિદમ્બરમ સ્ટેડિયમ (ચેપૌક) ચેન્નાઈ સુપર કિંગ્સનું હોમ ગ્રાઉન્ડ છે.

પશ્ચિમ બંગાળના કોલકાતામાં આવેલું ઇડન ગાર્ડન્સ કોલકાતા નાઈટ રાઇડર્સનું હોમ ગ્રાઉન્ડ છે, જ્યારે આસામના ગુવાહાટીમાં આવેલું બારસાપારા ક્રિકેટ સ્ટેડિયમ રાજસ્થાન રોયલ્સનું બીજું હોમ ગ્રાઉન્ડ છે.