યુએસ પ્રમુખ ડોનાલ્ડ ટ્રમ્પે 'એપ્સટિન ફાઇલ્સ ટ્રાન્સપરન્સી એક્ટ' પર હસ્તાક્ષર કર્યા છે. આથી હવે ન્યાય વિભાગે હવે 30 દિવસની અંદર જેફરી એપસ્ટેઇનના જાતીય ગુનાઓ અને 2019 માં જેલમાં થયેલા તેમના મૃત્યુની તપાસ સંબંધિત બધી ફાઇલો, સંદેશાવ્યવહાર અને માહિતી જાહેર કરવી પડશે.અંતે રાજકીય દબાણ સામે ટ્રમ્પ એ ઝૂકવું પડ્યું હતું અને જેફરી એપસ્ટેઇન સંબંધિત બધી ફાઇલો જાહેર કરવા નિર્દેશ આપતા બિલ પર હસ્તાક્ષર કરવા પડ્યા છે.

ટ્રુથઆઉટ સોશિયલ પરની એક પોસ્ટમાં, ટ્રમ્પે તેને ડેમોક્રેટ્સ દ્વારા "છેતરપિંડી" ગણાવી, જે તેમની જીતથી ધ્યાન ભટકાવવાનો પ્રયાસ છે. ટ્રમ્પે કહ્યું કે ડેમોક્રેટ્સે "એપસ્ટેઇન" મુદ્દાનો ઉપયોગ કર્યો છે, જે તેમને રિપબ્લિકન પાર્ટી કરતાં વધુ અસર કરે છે, જેથી અમારી અદ્ભુત જીતથી ધ્યાન ભટકાવી શકાય.

રિપબ્લિકન પાર્ટીએ સપ્તાહના અંતે વોશિંગ્ટનને સ્તબ્ધ કરી દીધું જ્યારે તેઓએ એપસ્ટેઇન ફાઇલ્સ ટ્રાન્સપરન્સી એક્ટના મહિનાઓથી ચાલી રહેલા વિરોધને ઉલટાવી દીધો અને દ્વિપક્ષીય એકતાના પ્રદર્શનમાં તેને પસાર કર્યો. મંગળવારે ગૃહમાં આ બિલ 427 વિરુદ્ધ 1 મતથી પસાર થયું.

ન્યાય વિભાગ હવે રાજકીય સંવેદનશીલતાને આગળ ધરી માહિતી ગોપનીય નહી રાખી શકે

વ્હાઇટ હાઉસમાં આ બીલ 427-1ના ભારે મતથી પસાર થતાં, આ દ્વિપક્ષીય બિલ રિપબ્લિકન નેતૃત્વના મહિનાઓના વિરોધને ઉલટાવી ગયું, જો કે પીડિતોની ગોપનીયતા સુરક્ષિત છે. હવે પ્રશ્ન એ ઊભો થાય છે: શું ટ્રમ્પના લાંબા સમયના મિત્ર, એપસ્ટેઇન સંબંધિત રહસ્યો જાહેર કરવામાં આવશે? એ તો સમય જ બતાવશે. જ્યારે બિલ એપસ્ટેઇનના પીડિતો વિશેની માહિતી શેર કરવાની મંજૂરી આપે છે, ત્યારે ન્યાય વિભાગ હવે "શરમ, પ્રતિષ્ઠાને નુકસાન અથવા રાજકીય સંવેદનશીલતા" ને કારણે માહિતી છુપાવી શકશે નહીં.લાંબા સમયથી જાણીતું છે કે ટ્રમ્પ એપસ્ટેઇનના મિત્ર હતા, જે વિશ્વના ધનિકોની નજીક રહેલા બદનામ ફાઇનાન્સર હતા. પરંતુ રાષ્ટ્રપતિએ સતત કહ્યું છે કે તેઓ એપસ્ટેઇનના ગુનાઓથી અજાણ હતા અને લાંબા સમય પહેલા તેમની સાથે સંબંધો તોડી નાખ્યા હતા.