જનરલ હોસ્પિટલ ખંભાળિયા ખાતે સારવાર માટે જરૂરી બ્લ્ડ ઉપલબ્ધ રહે તે માટે દેવભુમિ દ્વારકા જિલ્લાના આરોગ્ય તંત્ર દ્વારા નિયમિત રીતે બ્લડ ડોનેશન કેમ્પ યોજવામાં આવે છે. 

જિલ્લા આરોગ્ય તંત્રના માર્ગદર્શનમાં ભાણવડના શેઢાખાઈ ગામે સંકલ્પ ગ્રુપ, શેઢાખાઈ આયુષ્માન આરોગ્ય મંદિર મોરઝર પી.એચ.સી અને ગ્રામ પંચાયતના સંયુક્ત ઉપક્રમે બ્લડ ડોનેશન કેમ્પ યોજાયો હતો. 

આ કેમ્પમાં ૪૮ પુરુષો અને ૧૨ મહિલાઓએ રક્તદાન કર્યું હતું કેમ્પમાં ૬૦ યુનિટ બ્લડ એકત્ર થયું હતું. નરોત્તમ માતાજીના મંદિરે યોજાયેલ આ કેમ્પમાં ગ્રામજનોએ ઉત્સાહપૂર્વક ભાગ લીધો હતો ઘણા નાગરિકોએ પ્રથમ વખત રક્તદાન કર્યું હતું. રક્તદાતાઓને ખંભાળિયાની હિત મેટરનિટી અને ભાણવડની મોદી હોસ્પિટલ દ્વારા સન્માનિત કરવામાં આવ્યા હતા તેમજ સંકલ્પ ગ્રુપ દ્વારા અને બ્લ્ડ બેંક દ્વારા સન્માન પત્ર આપવામાં આવ્યા હતા. 

આ કેમ્પને સફળ બનાવવા માટે સ્થાનિક આરોગ્ય કર્મચારીઓએ જહેમત ઉઠાવી હતી. ઉપરાંત આરોગ્ય કેન્દ્ર ખાતે કલ્પવૃક્ષ, અશ્વગંધા તેમજ અન્ય ઔષધીય વૃક્ષોનું પણ વાવેતર કરવામાં આવ્યું હતું. કેમ્પની સફળતા માટે મુખ્ય જિલ્લા આરોગ્ય અધિકારી ડો.ચોબીસા દ્વારા ભાણવડ હેલ્થ ટીમ અને સહયોગી સંસ્થાઓને અભિનંદન પાઠવ્યા હતા. સ્વસ્થ વ્યક્તિ દર ત્રણ મહિને રક્તદાન કરી શકે છે. 

​​​​​​​

રક્તદાન કેમ્પમાં ઉત્સાહપુર્વક જોડાવા અને નિયમીત રીતે સરકારી હોસ્પિટલ ખાતે રક્તદાન કરવા જિલ્લા આરોગ્ય તંત્ર દ્વારા જાહેર જનતા અપીલ કરવામાં આવી છે.